Средбата на Кале, на зајдисонце, уште еднаш не исполни со радост. Под нас градот во бука и раздвиженост, во кој се одвиваат нашите животи и потрагата по среќата и исполнувањето, по доживувањето на слободата и широчината на постоењето. А тука, на чекор од таа мешаница, изненадувачки мир. Колку е блиску она што го бараме. Посакуваме овој простор да биде благословен со љубов и светлина и непречено да може да го работиме ова што на нашите животи им дава смисла.